Rusiya Fedarasiyasının prezidenti Vladimir Putin Azərbaycan Prezidenti Cənab İlham Əliyevə və Ermənistanın baş naziri Nikol Paşinyana Qarabağdakı sülhməramlı kontingentin statusunu aydınlaşdırmağı təklif edib. SİA xəbər verir ki, Putin Azərbaycan və Ermənistan xalqlarının mənafeləri baxımından uzun müddətdir davam edən münaqişənin uzunmüddətli və geniş miqyaslı həlli üçün möhkəm təməllər yaradıldığını söyləyib.
Rusiya Prezidenti Azərbaycan və Ermənistan liderlərinə Qarabağ münaqişəsi zonasında yerləşdirilən Rusiya sülhməramlı kontingentinin statusunu aydınlaşdırmaq təklifi edib.
Məlumatda həmçinin qeyd edilir ki, Rusiya lideri Qarabağla bağlı üçtərəfli razılaşmaların ardıcıl olaraq həyata keçirildiyini vurğulayıb. Qeyd olunduğu kimi, o, əmindir ki, bu, Ermənistan və Azərbaycan xalqlarının mənafeyi naminə uzun müddətdir davam edən münaqişənin uzunmüddətli və geniş miqyaslı həlli üçün möhkəm zəmin yaradır. Nəzərə çatdırılır ki, Putin, atəşkəs rejiminə nəzarət etmək üçün münaqişə zonasında bir Rusiya sülhməramlı kontingentinin yerləşdirildiyini və atəşkəs dəstək sistemlərinin yaradıldığını xatırladıb və qeyd olunur ki, Rus sülhməramlılarının məsuliyyət zonasında 23 müşahidə məntəqəsi var.
Xatırladaq ki, bu gün, 11 yanvar tarixində Moskvada, Rusiya Prezidenti Vladimir Putin, Azərbaycan Prezidenti İlham Əliyev və Ermənistanın baş naziri Nikol Paşinyan arasında üçtərəfli görüş keçirilib. Görüş zamanı tərəflər Qarabağ ətrafındakı vəziyyəti, habelə məhkumların geri qaytarılması və rabitənin blokdan çıxarılması məsələsini müzakirə ediblər. Onu da diqqətə çatdıraq ki, Paşinyanın müxalifləri görüş zamanı məğlub erməni baş nazirinin də imzası ilə ölkənin maraqlarını pozan bir sənədin imzalanacağını düşünürlər.
Qeyd edək ki, Paşinyanın Moskvaya səfəri Ermənistanın Rusiyadakı səfirliyi qarşısında etiraz aksiyası fonunda baş verib.
Bütün xəbərlər Facebook səhifəmizdə
USD
EUR
GBP
RUB