Prezident Barak Obama ABŞ-ın Ermənistandakı səfiri vəzifəsinə yeni namizəd irəli sürüb. SİA-nın "Armenia today" xəbər portalına istinadən verdiyi məlumata görə, dövlət başçısı bu vəzifəyə Con Heffernin (John A. Heffern) təyin olunmasını məsləhət görüb.
C. Heffern hazırda ABŞ-ın NATO-dakı diplomatik missiyasının rəhbərinin müavini vəzifəsində çalışır. Bundan əvvəl o, ABŞ-ın İndoneziya, Malayziya, Yaponiya və Çindəki səfirliklərində işləyib.
Xatırladaq ki, ABŞ-ın Ermənistandakı hazırkı səfiri Mari Yovanoviçin səlahiyyət müddəti iyun ayında başa çatır. Onun ABŞ dövlət katibinin Şimali və Mərkəzi Avropa üzrə müavininin köməkçisi təyin olunacağı gözlənilir.
Bütün xəbərlər Facebook səhifəmizdə
USD
EUR
GBP
RUB