İkinci Qarabağ Müharibəsi zamanı ermənilərə əsir düşən Amin Musayev ailəsinə məktub göndərib.
SİA-nın verdiyi məlumata görə, məktub Beynəlxalq Qızıl Xaç Komitəsi (BQXK) tərəfindən əsirin ailəsinə çatdırılıb.
A.Musayev məktubda yaxşı olduğunu bildirib və anasından özünə yaxşı baxmasını xahiş edib: "Salam, ana necəsən? mən yaxşıyam, məndən narahat olma, Allahın köməkliyi ilə hər şey yaxşı olacaq. Hər kəsə məndən salam deyin. Ana, sən özünə yaxşı bax. İnşallah, səni gələndə möhkəm görüm. Səni çox sevirəm, ana".
Qeyd edək ki, əsgər Amin Musayev Şuşa döyüşlərində yaralanaraq ermənilərə əsir düşüb. Bu yaxınlarda BQXK əməkdaşları ona baş çəkiblər.
Müəllif: Ceyhun Rasimoğlu
Bütün xəbərlər Facebook səhifəmizdə
USD
EUR
GBP
RUB