Ermənistanın müxalifətçi “Ayrenik” (“Vətən”) partiyasının şura üzvü, ölkə parlamenti rəhbərinin sabiq müavini Arsen Babayan hakimiyyətin “Mənim addımım” fraksiyasının deputatı Sofiya Ovsepyanın Facebook sosial şəbəkəsindəki yazısına sərt cavab verib. SİA panorama.am-a istinadən xəbər verir ki, iqtidarçı deputat Sofiya Ovsepyan ona qarşı həm daxildən, həm də xaricdən anti-təbliğat kampaniyası aparıldığını və səbrinin tükəndiyini bildirib
Arsen Babayan isə cavabında yazıb:
Xanım Sofiya Ovsepyan,
Bəs siz təsəvvürünüzə gətirə bilərsiniz ki, mənə və dostlarıma, siyasi komandama qarşı necə anti-təbliğat aparılır? Siz hələ yeni-yeni öz komandanıza qarşı antitəbliğatı qarşılayırsınız və artıq səbriniz tükəndi?
İndi isə təsəvvürünüzə gətirin ki, siz bizim haqqımızda necə ağ yalan danışırsınız və onları yayırsınız, çünki siz də həmin siyasi komandanı tərənnüm edirsiniz. İndi isə təsəvvürünüzə gətirin ki, mən neçə dəfə böyük güc sərgiləməklə səbrimi geri basmışam.
Sofiya, sizin səbr kasanızda onun dolması üçün gərək ki, çox yeriniz var, çünki sizə və sizin qohumlarınıza qarşı cinayət işi adı altında təqib başladılmayıb. Təsəvvür edin, sizin səbr kasanızın dolması üçün, qanunsuz nəzarət altında saxlanılmağınız baxımından, minimum 22 günlük yer var.
Siz sual edirsiniz, nəyə görə insanlıq bu qədər azalıb? Mən cavab verirəm. Sizin komanda bunu edib. Məhz sizin komanda insanları təkəbbürlülərə və əclaflara ayırıb. Bundan əlavə, bizimlə əlaqədə olan hər kəsi qovaraq istefaya göndərib.
İnanın, mən heç də kin saxlamıram. Mənə səmimi olaraq ağırdır. Lakin həmin insanlar qalib gəlirlər ki, onlar müxtəlif qadağalara itaətsizlik göstərirlər. Mən müqavimət göstərdim və müqavimət göstərməyə davam edəcəyəm, mən artıq qalibəm.
Sizə səmimiyyətlə qələbə arzulayıram. Nə zaman təcrübə mübadiləsinə ehtiyacınız olarsa, rahatlıqla müraciət edin...
Bütün xəbərlər Facebook səhifəmizdə
USD
EUR
GBP
RUB