"Bildiyiniz kimi, pandemiyanın yayılması ölkəmizin iqtisadiyyatına da təsirsiz ötüşmədi. Dövlət bu səbəbdən çətinliklə üzləşən insanlara dəyən ziyanın aradan qalıdırlması üçün ardıcıl və məqsədyönlü tədbirlərə başladı". Bunu SİA-ya millət vəkili Ceyhun Məmmədov deyib.
Deputatın sözlərinə görə, Prezident İlham Əliyev bir neçə mühüm sərəncam imzaladı, sosial yardım paketləri hazırlandı: "Artıq 120 mindən artıq insan dövlətin bu imkanından yararlanıb, 23 milyona yaxın vəsait ödənilib, proses hələ də davam edir. Dünən dövlət başçısı videokonfransda çıxışı zamanı pandemiyadan zərər görən işsiz vətəndaşlara verilən 190 manat yardımın növbəti mərhələdə 600 min insana şamil edəcəyini bildirdi. Bu onu göstərir ki, cənab Prezident bu prosesdən əziyyət çəkən insanlara dəstək məqsədilə gərəkən bütün addımları atır və atacaq. Dövlət hər bir vətəndaşının yanındadır, onun qayğısı hər kəsi əhatə edir. Pandemiayadan zərər görən işsiz vətəndaşlara verilən 190 manat yardımın növbəti mərhələdə 600 min insana şamil ediləcəyi barədə cənab Prezidentin tapşırığı onun ölkə vətəndaşlarının sosial durumunun yaxşılaşdırılmasına verdiyi önəm və dəyərin göstəricisidir. Azərbaycan bir çox sınaqlardan üzüağ çıxdığı kimi bu çətinliklərin də öhdəsindən uğurla gələcək".
Bütün xəbərlər Facebook səhifəmizdə
.jpg)
USD
EUR
GBP
RUB
