Kişinyov şəhərində "İmmunlaşdırılma haqqında məlumatlarının idarə edilməsi və monitorinqinin keyfiyyətinin qiymətləndirilməsi" üzrə regional simpozium keçirilib. SİA-nın xəbərinə görə, simpozium Amerika Birləşmiş Ştatlarının Xəstəliklərə nəzarət və qarşısının alınması üçün mərkəzi, UNİCEF, Səhiyyədə uyğun texnologiya proqramı ilə əməkdaşlıq çərçivəsində ÜST regional ofisi tərəfindən həyata keçirilib.
Tədbirdə regionun 13 ölkədən, eləcədə Azərbaycandan olan nümayəndələri və adları çəkilən təşkilatların mütəxəssisləri iştirak ediblər.
Simpoziumun keçirilməsində əsas məqsəd məlumatın keyfiyyətinə nəzarəti məqsədlərinə diqqət yönəltmək, məlumat keyfiyyətinin özünü qiymətləndirmə alətini gözdən keçirmək, immunlaşdırılma haqqında məlumatların keyfiyyətinin qiymətləndirməsinin praktikasını və qiymətləndirmə nəticələri məlumatlarının istifadəsinin analizini aparmaq, immunlaşdırılma haqqında məlumatların idarə edilməsi və monitorinqini inkişaf etdirmək üçün dövlətlər arasında ən yaxşı təcrübələrin paylaşılması olub.
İmmunlaşdırılma haqqında məlumatların qiymətləndirməsi və keyfiyyətinə nəzarət Milli İmmunlaşdırılma Proqramlarının daha yaxşı idarə edilməsinə kömək edəcək. ÜST Regional Ofisi İmmunlaşdırılma haqqında məlumatların keyfiyyətinin qiymətləndirmək və nəzarət etmək üçün MKÖQ - Məlumatların keyfiyyətinin özünü qiymətləndirmə alətinin istifadəsində ölkələrə texniki dəstəyi təmin etməyə davam edəcək.
Bütün xəbərlər Facebook səhifəmizdə
USD
EUR
GBP
RUB