Ermənistanda əsgər anaları etiraz aksiyası keçirir

Paşinyanın kitab bağışlamağa vaxtı varsa, qoy bizimlə görüşsün. SİA Ermənistana məxsus armenianreport.com saytında yayımlanan məlumata istinadən xəbər verir ki, bunu müxtəlif illərdə orduda şəhid olan əsgər anaları bu gün də Ermənistan hökumət binası qarşısına toplaşdıqları zaman bəyan ediblər.

Əsgər anaları bu gün də Ermənistan hökumət binası qarşısına toplaşaraq övladlarının ölüm hadisələri ilə bağlı ədalətli araşdırma tələb ediblər.

Ermənistan hökumətinin başçısı Nikol Paşinyanla görüşməyi gözləyən hökumət binasına toplaşan olən əsgərlərin analarını Ermənistan Milli Məclisinin vitse-spikeri Alen Simonyan qarşılayıb. Etiraz aksiyası edənlər ona xatırladıb ki, hətta Milli Məclislə görüşdə də A. Simonyandan Paşinyanla görüş təşkil etməsini istəyiblər.
"Baş nazirin köməkçisi Nairi Sarkisyana on dəfə zəng etdim, məlum oldu ki, biz onu bezdiririk" deyərək, 2010-cu ildə Hadrut hərbi hissəsində vəfat edən bir əsgərin anası Artur Qazaryan qəzəbini dilə gətirib.

Ölən əsgər anası Valeri Muradyan, Baş nazirlə görüş təşkil edilməsini tələb edib. "Cənab Paşinyanla görüşümüzü tələb edirik, onunla ciddi şəkildə danışmalıyıq, bu davam edə bilməz", deyən Muradyan bildirib ki, baş nazirin vətəndaşlara kitab hədiyyə etməsi üçün vaxtı varsa, o analarla görüşmək üçün də zaman tapmalıdır.
Alain Simonyan onların tələblərini çatdıracağına söz verib.
Xatırladaq ki, bir gün əvvəl, Ermənistanın Baş naziri Nikol Pashinyan, İrəvan inzibati bölgəsi Açapnyakdakı çoxmərtəbəli binalardan birinə, bir neçə mənzilə baş çəkib və Ermənistanda 19 fevralda qeyd olunan Kitab hədiyyə Günü münasibətilə sakinlərə kitab hədiyyə edib.

Müəllif: İnam Hacıyev

Bütün xəbərlər Facebook səhifəmizdə

loading...