“Ermənistan XİN-nin bəyanatı ilə işğalçı dövlət növbəti dəfə özünü dünya birliyinə qarşısında ifşa etmiş oldu”. Bu fikirləri SİA-ya açıqlamasında Qərbi-Kaspi Universitetinin professoru, politoloq Fikrət Sadıqov deyib.
BMT-yə üzv olan 200 dövlətin 120-sinin Qoşulmama Hərəkatında təmsil olunduğunu deyən politoloq söyləyib ki, Ermənistanın özünü bu ölkələrdə üstün tutması qəbuledilməzdir.
Onun sözlərinə görə, dünya birliyi Ermənistanın bu bəyanatına cavab verməlidir: “Ermənistanın növbəti hərəkəti, hoqqabazlığı beynəlxalq səviyyədə cavabsız qalmamalıdır”.
F. Sadıqov qeyd edib ki, Qoşulmama Hərəkatı tərəfindən də Ermənistana cavab olaraq qətnamə qəbul edilməli, bəyanat verilməli, işğalçı ölkə yerinə oturdurmalıdır: “Dünya Birliyi və ya Qoşulmama Hərəkatı əlbəttə ki, Ermənistana qarşı müharibə aparmayacaq. Lakin diplomatik səviyyədə Ermənistanı susdurmaq, özlərini düzgün aparmadıqlarını bir daha nəzərlərinə çatdırmaq lazımdır”.
Bütün xəbərlər Facebook səhifəmizdə
USD
EUR
GBP
RUB