Ermənistan hökuməti həlak olmuş hərbçilərin analarının tələblərinə qulaq asmalı və onların problemlərini həll etməlidir. SİA Ermənistana məxsus aysor.am saytında yayımlanan məlumata istinadən xəbər verir ki, bunu “Zinvor” qeyri-hökumət təşkilatının koordinasiya şurasının sədri Marqarita Xaçatryan deyib.
Məlumatda qeyd olunur ki, o Ermənistan hökumətinin ölən hərbçilərin anaları və arvadlarının məsələsini nəzərdən keçirməyə və həll etməyə borclu olduğunu bəyan edib.
“Sentyabrın 11-də baş nazirə bir bəyanat yazdıq, 19 sentyabrda onunla birlikdə hökumət binasının qarşısında görüşdük və ümid etdik ki, məsələmiz həll ediləcək və ya bizi qəbul edəcəklər. Ancaq bu günə qədər heç bir cavab alınmayıb", deyə Margarita Xachatryan bildirib.
O qeyd edib ki, 19 sentyabr tarixində baş nazirlə görüşünü cəmi iki dəqiqə davam etdiyi üçün normal hesab etməyib.
"Xarici dövlətlərin başçılarının burada olduğunu bilsək də, Ermənistanın baş nazirinə məktublarımızı xatırlatmaq istəyirik. Xatırlatmaq istəyirik ki, geri çəkilməyəcəyik və sonadək mübarizə aparacağıq", deyə qeyri-hökumət təşkilatının koordinasiya şurasının sədri bəyan edib.
Margarita Xachatryan xatırladıb ki, həlak olmuş hərbi qulluqçuların ailələri diqqət mərkəzində olacaq qanunvericilik dəyişiklikləri edilməsi tələbi dəyişilməz olaraq qalır.
Bütün xəbərlər Facebook səhifəmizdə
USD
EUR
GBP
RUB