ABŞ səfirliklərinə aid gizli yazışmaları ictimaiyyətə açıqlayan "Wikileaks" saytının yayımladığı son sənədlər Misirdəki üsyan təşkilatçılarının ABŞ tərəfindən maliyyələşdiyini ortaya qoyur. SİA-nın məlumatına görə, Norveçin "Aftenposten" qəzetinin nəşr etdiyi sənədlərdə göstərilir ki, ABŞ Misir prezidenti Hüsnü Mübarəkə təzyiqlərini artırmaq üçün bu ölkədəki demokratiya tərəfdarlarına on milyonlarla dollar məbləğində yardım edib. 6 dekabr 2007-ci il tarixində ABŞ-ın Qahirədəki səfirlikdən Vaşinqtonda göndərilən sənəddə ABŞ Beynəlxalq İnkişaf Agentliyinin 2008-ci ildə 66,5 milyon, 2009-cu ildə isə 75 milyon dollar yardımla Misir müxalifətinə dəstək verdiyi qeyd olunub.
"Aftenposten" Hüsnü Mübarəkin ABŞ-ın demokratiya hərəkatına dəstək verməsindən şübhələndiyini, buna baxmayaraq yardım proqramları vasitəsilə ABŞ-ın Misirdə demokratik təşkilatların qurulmasına dəstək verməyə davam etdiyini yazıb. Qəzetin yayımladığı ikinci sənəd ABŞ-ın Misirdəki demokratiya infrastrukturunun güclənməsi üçün xərclədiyi pulun həm də Misir hökuməti tərəfindən icra edilən proqramlara verildiyini göstərir.
Sənədə görə, Misir Beynəlxalq Əməkdaşlıq Naziri Fayza Abou edilən yardımlarla bağlı ABŞ-ın Misirdəki səfirliyinə bir məktub göndərib. Məktubda ABŞ Beynəlxalq İnkişaf Agentliyindən qeyri-hökumət təşkilatları kimi qeydiyyata alınmayan 10 təşkilata yardımın kəsilməsi istənilir.
Bütün xəbərlər Facebook səhifəmizdə
USD
EUR
GBP
RUB