AXCP-çilər isə bu məsələni sədrlərinin göstərişinə əsasən, “siyasiləşdirdilər”
Əli Kərimlinin sədri olduğu AXCP ilə “Milli Şura” arasında növbəti dava düşüb və bu qarşıdurmanın əsl səbəbləri bəlli olub. Məhz Ə.Kərimlinin nəzarəti altında “siyasətlə məşğul olan” gənclər arasında əxlaqsız və qeyri-ənənəvi həyat tərzi keçirənlərin son vaxtlar ən biabırçı olaylarla məşhur olmaları onun gözəlçəsi kimi tanınan Fatimə Mövlamlı sayəsində növbəti dəfə bir daha təsdiqini tapdı.
SİA xatırladır ki, hələ bir neçə müddət öncə, saytımız bu “məşhur” barədə faktları ortaya çıxarıb, onun hansı “tərbiyəyə” malik olması ilə bağlı “Əli Kərimlinin 17 yaşlı troll gözləlçəsi” başlıqlı məqalə ilə çıxış edilmişdi. Linkə baxın:
http://sia.az/az/news/politics/671906.html
Əli Kərimli bu hadisəni gizlətmək üçün trollarına göstəriş verib
Ancaq görünür, belələri üçün yüngül və əxlaqsız həyat tərzi ilə yanaşı, milli-mənəvi dəyərlərimizi də ayaq altına atmaq adət halını alıb. Bu səbəbdən, onlar üçün valideyin, böyük-kiçik və s. fakktorlar sıfır səviyyəsində görünür. F.Mövlamlının doğma anasına əl qaldıraraq, onu döyməsi faktı da bu qorxunc və təəssüfedici reallığı əks etdirməkdədir.
Məsələnin mahiyyətinə vararaq qeyd edək ki, AXCP üzvü Fatimə Mövlamlı (xatırladaq ki, o, eyni zamanda özünü “jurnalist” kimi də təqdim edir-R.R.) oktyabrın 23-də DİN Binəqədi RPİ-nin 4-cü bölməsi tərəfindən saxlanılıb. Buna səbəb onun öz anasını döyməsi və sonuncunun bununla bağlı polisə şikayət etməsi olub. Nəticədə söhbət AXCP sədri Əli Kərimliyə və s. partiya funksionerlərinə çatıb və partiya sədri öz gözəlçəsinin bu əməlini gizlətmək üçün partiyadaşlarına göstəriş verib. Daha dəqiq desək, anasına əl qaldıraraq, elə öz anasının şikayəti əsasında da hüquq-mühafizə orqanları tərəfindən saxlanılan F.Mövlamlı üzərində siyasi oyunbazlığa başlanılıb. Onun guya ki, “siyasi motivlərlə” saxlanılması ətrafında dərhal sosial şəbəkələrdə kampaniyaya başladılıb.
Əslində, belə bir rüsvayçı, iyrənc bir hadisənin Əli Kərimli və tərəfdarları vasitəsilə müdafiə olunması hər şeyi açıq-aydın ortaya qoymaqdadır
Beləliklə, AXCP-nin bəlli tərzinə görə, hay-haray qaldıran Kərimli trolları Mövlamlının “Azərbaycan xanımı” olduğunu önə sürüb, bu kimi addımların, yəni polis tərəfindən saxlanılmasının “yolverilməz” olduğunu iddia etməyə başlayıblar.
Yeri gəlmişkən, anasına əl qaldıraraq, onu amansızcasına döyən Mövlamlı da dərhal Ə.Kərimlinin tərzinə keçid alıb və törətdiyi cinayət əməlini siyasiləşdirməyə cəhd edib. Məsələn, o polis orqanlarına izahat yazıb-buraxıldıqdan dərhal sonra Facebookda status paylaşıb və bildirib ki, “doğması” saydığı şəxslə (hətta ana belə müraciət etmir!-R.R.) mübahisə edib və onun şikayəti əsasında polis bölməsinə çağırılıb. Beləliklə də, polis bundan “istifadə edərək “, guya siyasi fəaliyyətinə görə ona “təzyiqlər” edib. Göründüyü kimi, tamamilə qeyri-ciddi və böhtan olan bu kimi fikirlər arxasında açıq-aşkar cinayətin ört-basdır olması görünməkdədir. Halbuki, hüquq-mühafizə orqanları F.Mövlamlıdan sadəcə, izahat alaraq, onu buraxıb. Əslində, belə bir rüsvayçı, iyrənc bir hadisənin Ə.Kərimli və tərəfdarları vasitəsilə müdafiə olunması hər şeyi açıq-aydın ortaya qoymaqdadır.
Əli Kərimli deməklə, onun barəsində “əxlaqsızlığın açarı” tipli assosiasiyalı fikirlər yaranmağa başlayır
Nəticə olaraq isə belə demək mümkündür ki, zaman-zaman AXCP sədri Əli Kərimli və ətrafı haqqında çoxsaylı faktlara əsaslanan və heç də xoş olmayan məsələlər mütəmadi olaraq, ictimaiyyətin diqqətini cəlb edir. Daha doğrusu, Ə.Kərimli sədrlik etdiyi siyasi təşkilatı ələ keçirər-keçirməz orada baş verən və heç bir milli-mənəvi, eləcə də əxlaqi dəyərlərə sığmayan hadisələr bir-birini elə sürətlə əvəz edir ki, onların sayı-hesabı belə, ölçüyəgəlməz dərəcədə artıb. İllər öncə AXCP-nin rəsmi media qurumu olan “Azadlıq” qəzetinin sabiq direktoru Azər Əhmədovun öz qohumunun (baldızının-R.R.) azyaşlı qızı ilə (!) intim video görüntülərinin yayılması, adıçəkilən qəzetin baş redaktoru Qənimət Zahidin yenə də A.Əhmədovla “Üç palma” restoranının saunasında özbək fahişələrlə biabırçı fotolarının mətbuata sızması və onlarla bənzər faktları göstərməklə, əslində, bütün bu kimi hadisələrin bilavasitə Ə.Kərimlinin əlinin altından keçdiyini deyə bilərik. Ümumiyyətlə, sağlam düşüncəli insanların yanında Ə.Kərimli deməklə, onun barəsində “əxlaqsızlığın açarı” tipli assosiasiyalı fikirlər yaranmağa başlayır ki, biz növbəti dəfə bunu F.Mövlamlının “simasında” şahidi olduq.
Son olaraq? Fatimə Mövlamlının bu günlərdə yayılmış daha bir əxlaqsız davranışının videosunu təqdim edirik. Videoya aşağıdakı linkdən baxa bilərsiniz:
Rövşən RƏSULOV
Bütün xəbərlər Facebook səhifəmizdə
USD
EUR
GBP
RUB