Bakı və onun ətraf ərazilərində Ekologiya və Təbii Sərvətlər Nazirliyi tərəfindən 2009-cu ilin payız-2010-cu ilin yaz mövsümlərində 1 005 000 ədəd ağac və kol bitkisi əkilib.
Nazirliyin mətbuat xidmətindən SİA-ya verilən xəbərə görə, 2010-cu ilin payız mövsümünün 01 noyabr-04 dekabr tarixlərində 432 194 ədəd müxtəlif ağac və kol bitkisi əkilib.
29 noyabr-04 dekabr 2010-cu il tarixlərində isə Bakı və onun ətrafındakı 125,1 hektar sahədə 104 443 ədəd ağac və kol bitkisi əkilib.
Ümumilikdə, 2009-cu ilin payız mövsümündən bu günədək Bakı və onun ətrafında 1 437 194 ədəd ağac və kol bitkisi əkilib.
Ekologiya və Təbii Sərvətlər Nazirliyinin Meşə Mühafizəsi və Bərpası Müəssisələrinin əməkdaşları tərəfindən dövlət meşə fondu torpaqlarında isə heç bir əlavə vəsait xərclənmədən, Nazirliyin daxili imkanları hesabına 265,88 hektar sahədə 670 360 ədəd müxtəlif ağac əkilib. Əkilən ağaclar müəssisənin öz tinglik sahələrində yetişdirilib.
Respublika ərazisində bu həftə ərzində 390,98 hektar sahədə 774 803 ədəd ağac və kol bitkisi əkilib.
Ümumiyyətlə, 2010-cu ilin payız əkin mövsümündən bu günədək Respublika ərazisində ümumilikdə 4 450 244 ədəd ağac və kol bitkisi əkilib. Hazırda ərazilərdə əkin, meşəbərpa, suvarma və qulluq işləri davam etdirilir.
Bütün xəbərlər Facebook səhifəmizdə
USD
EUR
GBP
RUB