ABŞ regionda "kiçik əvəzedici dövlətlər" vasitəsilə İrana təhlükə yaratmaq istəyir, amma İslam Respublikası onlara qarşı çıxmağa hazırdır. SİA-nın xəbərinə görə, bunu Birləşmiş Millətlər Təşkilatının Baş Assambleyasında iştirak etmək üçün Nyu-Yorka səfərindən öncə İran prezident Həsən Ruhani deyib.
Onun sözlərinə görə, amerikalılar keçmişdə olduğu kimi İrana qayıtmaq üçün xaos və iğtişaşlar yaratmaq istəyir, lakin bu, mümkün deyil: “Bunlar əlçatmaz xəyallardır və Amerika bu hədəflərdən heç birinə nail olmayacaq.
“Xalqımız müqavimət göstərəcək və hökumət bu qarşıdurmaya hazırdır”, - deyən İran dövlət rəhbəri həmçinin bildirib: “Amerikalılar yanlış addım atdıqlarına görə, təəssüf edəcəklər”.
Ruhani qeyd edib ki, ABŞ region ölkələrini İrana qarşı təxribata törətməyə təhrik edir və son Axvazda baş verən hücum buna misal ola bilər: “Biz bunun kim tərəfindən törədildiyini açıq şəkildə bilirik. Bölgədəki bütün kiçik kasıb ölkələrin sponsoru Amerikadır ”.
Qeyd edək ki, sentyabrın 22-də İranda hərbi parad zamanı terror hadisəsi baş vermişdi. 25 nəfər həlak olub, 60 nəfər yaralanmışdı. Baş verənlərə görə, bu gün İranda Matəm günü elan edilib.
Bütün xəbərlər Facebook səhifəmizdə
USD
EUR
GBP
RUB