Yaxın aylar ərzində Avropa İttifaqı və Azərbaycan arasında viza rejiminin sadələşdirilməsi üzrə danışıqlar başlaya bilər
"Ola bilsin ki, yaxın bir iki-üç ayda Avropa İttifaqı və Azərbaycan arasında viza rejiminin sadələşdirilməsi və eyni zamanda readmissiya üzrə danışıqlar başlayacaq". SİA-nın xəbərinə görə, bunu jurnalistlərə açıqlamasında xarici işlər nazirinin müavini Mahmud Məmmədquliyev deyib. Onun sözlərinə görə, viza rejiminin sadələşdirilməsi məsələsi Azərbaycan-Avropa İttifaqı azadlıq, təhlükəsizlik, insan haqları və demokratiya üzrə Alt Komitəsinin 30 noyabr-1 dekabr tarixlərində Bakıda keçirilmiş ilk iclasında da müzakirə olunub: "Hesab edirəm ki, bu çox səmərəli görüş oldu. Avropalı həmkarlarım da eyni fikri ifadə etdilər. Alt Komitənin ilk iclasında bir neçə qərar qəbul olundu ki, biz də hazırda o qərarları həyata keçirməyə çalışırıq".
Qeyd edək ki, Alt Komitənin növbəti iclası gələn il Brüsseldə keçiriləcək.
Bütün xəbərlər Facebook səhifəmizdə
USD
EUR
GBP
RUB