Azərbaycanın Kollektiv Təhlükəsizlik Müqaviləsi Təşklatına (KTMT) üzv olması mümkünlüyü Ermənistanın ciddi narahatlığına səbəb olub. SİA xəbər verir ki, bu barədə erməni qəzeti “Hraparak” öz mənbələrinə istinadən yazıb. “Bu yaxınlarda KTMT-də üzv sayının genişləndirilməsi məsələsi müzakirə olunub”, deyə qeyd edən qəzet eyni zamanda müşahidəçi statusunu müəyyən edən sənəd paketinin də təqdim edildiyini xatırladıb. “Bu, onu göstərir ki, yaxın gələcəkdə Azərbaycanın KTMT-yə üzvlüyü ciddi şəkildə müzakirə olunacaq”, yazan erməni qəzeti Qarabağ məsələsi baxımından bu addımın təhlükə yaradacağını təlaşla qeyd edib.
Lakin digər məqam budur ki, adıçəkilən qəzet KTMT-nin hazırkı baş katibi Yuri Xaçaturovun fəaliyyətsizliyini qabardıb: “Əldə etdiyimiz məlumatlara görə, KTMT-nin baş katibi Yuri Xaçaturov bu məsələdə müəyyən rol alaraq, prosesin qarşısını kəsə bilərdi. Lakin bir tərəfdən onun KTMT-dəki mövqeyi zəifləyib, Ermənistanda ona qarşı cinayət işi qaldırılıb, digər tərəfdən isə, onda artıq çemodan əhval-ruhiyyəsi yaranıb və bu məsələdə xüsusi təşəbbüs göstərmək marağında deyil. Artıq belə demək mümkündür ki, Azərbaycanın KTMT-yə üzv olması üçün yaşıl işıq yandırılıb”.
Rövşən NURƏDDİNOĞLU
Bütün xəbərlər Facebook səhifəmizdə
USD
EUR
GBP
RUB