Azərbaycan Respublikası Dövlət Miqrasiya Xidməti miqrasiya orqanlarına qulluğa qəbul olunmaq üçün aşağıdakı vəzifələrdə işləmək istəyən Azərbaycan Respublikasının vətəndaşları üçün müsabiqə elan edir. Qurumdan SİA-ya verilən xəbərə görə, Dövlət Miqrasiya Xidmətinin Aparatı aşağıdakı vakant vəzifələr təklif edir:
- Miqrasiya siyasəti və hüquqi təminat baş idarəsi, inspektor;
- Miqrasiya nəzarəti baş idarəsi, inspektor;
- Miqrasiya proseslərinin təhlili və informasiya təminatı baş idarəsi, inspektor;
- Qaçqın statusunun müəyyənləşdirilməsi və vətəndaşlıq məsələləri idarəsi, inspektor;
- Maliyyə, təminat və təchizat idarəsi, inspektor. Azərbaycan Respublikası
Dövlət Miqrasiya Xidmətinin strukturuna daxil olan qurumlar
- Bakı şəhər qanunsuz miqrantların saxlanılması mərkəzi, inspektor;
- Şirvan regional miqrasiya idarəsi, inspektor;
- Yevlax regional miqrasiya idarəsi, inspektor;
- Yevlax şəhər qanunsuz miqrantların saxlanılması mərkəzi, inspektor;
- Lənkəran regional miqrasiya idarəsi, inspektor;
- Xaçmaz regional miqrasiya idarəsi, inspektor;
- Tibb müəssisəsi, inspektor-həkim.
Müsabiqədə xarici dil biliklərinə malik olan vətəndaşlara üstünlük verilir.
Müsabiqəyə sənədlərin qəbulu müvafiq ərizə formasında 01.12.2010-cu il tarixdən 30.12.2010-cu il tarixədək aparılır. İştirak etmək istəyən vətəndaşlar tələblərə cavab verdikləri halda göstərilən müddət ərzində müvafiq ərizə formasını doldurmalı və qanunvericilikdə nəzərdə tutulmuş digər sənədləri Dövlət Miqrasiya Xidmətinin Aparatının inzibati binasına (Ünvan: Bakı şəhəri, Binəqədi rayonu, 2123-cü məhəllə, Binəqədi şossesi 202) təqdim etməlidirlər.
Əlavə məlumatı Dövlət Miqrasiya Xidmətinin rəsmi internet səhifəsindən (www.migration.gov.az) əldə etmək olar.
Əlaqə telefonu: (012) 562 53 01.
Bütün xəbərlər Facebook səhifəmizdə
USD
EUR
GBP
RUB