Ekologiya və Təbii Sərvətlər, Daxili İşlər və Vergilər Nazirliklərinin əməkdaşları respublika ərazisində vəhşi təbiətdən heyvanların götürülməsi və istirahət kompleksləri, restoran, kafe, eləcə də digər iaşə obyektlərində müvafiq icazə olmadan saxlanılmasının qarşısını almaq məqsədilə 15-25 noyabr 2010-cu il tarixlərində növbəti reyd keçiriblər.
Ekologiya və Təbii Sərvətlər Nazirliyinin mətbuat xidmətindən SİA-ya verilən məlumata görə, reyd zamanı Beyləqan rayonunda fəaliyyət göstərən "Həyat" restoranından 3 canavar, 3 qartal, 3 anqurt quşu, 3 qutan quşu və 1 qu quşu, Samux rayonundakı şərab zavodunun həyətindən 2 ayı, Şamaxı rayonunda fəaliyyət göstərən "Qızıl daş" restoranından isə 1 maral müsadirə olunaraq götürülüb.
Qanunu pozmuş şəxslər Azərbaycan Respublikasının "Heyvanlar aləmi haqqında" qanununa müvafiq olaraq inzibati qaydada məsuliyyətə cəlb edilərək cərimə olunublar.
Bütün xəbərlər Facebook səhifəmizdə
USD
EUR
GBP
RUB