İsrail Qəzzanı blokada da saxlamaqda davam edir. Belə ki, İsrail hökuməti BMT-nin təşkilatçılığı ilə dörd yeni məktəbin tikintisi üçün tikinti materillarını Qəzza bölgəsinə buraxmaqdan imtina edir. SİA-nın türk mətbuatına istinadən verdiyi xəbərə görə, İsrail BMT-nin fələstinli qaçqınlara yardım agentliyinin məktəblərinin yaradılmasına mane olur.
BMT-nin Qəzzadakı rəsmi nümayəndəsi Adnan Əbul Həsna bildirib ki, rəsmi Təl-Əviv qəbuledilməz bəhanələrlə tikinti materiallarını muxtariyyət ərazisinə buraxmır.
İsrail tərəfi BMT-nin agentliyinə verilən imtina cavabını onunla əsaslandırıblar ki, yeni inşa ediləcək məktəblər HƏMAS-ın təlim bazaları ilə qonşuluqda yerləşir.
Hazırda BMT nümayəndələri İsrail rəhbərliyi ilə danışıqları davam etdirirlər.
Bütün xəbərlər Facebook səhifəmizdə
USD
EUR
GBP
RUB