Beynəlxalq Qırmızı Xaç Komitəsinin nümayəndələri Azərbaycanda saxlanılan erməni əsirlərlə görüşüblər
Beynəlxalq Qırmızı Xaç Komitəsinin (BQXK) nümayəndələri Azərbaycanda saxlanılan erməni əsirlərlə görüşüblər. BQXK Bakı ofisinin yayım şöbəsinin rəhbəri İlahə Hüseynovanın SİA-ya verdiyi məlumata görə, beynəlxalq qurumun nümayəndələri oktyabrın 13-də Azərbaycanda saxlanılan 6 hərbi əsir və bir erməni ailəsinə baş çəkiblər. BQXK nümayəndələri onların saxlanma şəraiti və fiziki durumu ilə maraqlanıblar.
Qeyd edək ki, hazırda Azərbaycanda 6 hərbi əsir və 5 mülki Ermənistan vətəndaşı saxlanılır. Ermənistan vətəndaşları olan Yeğişe, Ruzanna, Alfred, Qayane və Petros Gevorkyanlar bir ailənin üzvləridir. Onlar bu ilin yanvarında Azərbaycan tərəfə keçiblər. Əsirlərdən 3-ü 2009-cu ilin fevralında, 2-si 2009-cu ilin mayında, 1-i isə eyni ilin iyulunda Azərbaycan tərəfə keçib.
Bütün xəbərlər Facebook səhifəmizdə
USD
EUR
GBP
RUB