Demokratik Azərbaycan Dünyası Partiyasının (DADP) qarşıdan gələn parlament seçkilərinə irəli sürdüyü namizədlərin hamısı imza vərəqələrini və digər zəruri sənədləri dairə seçki komissiyalarına təhvil verib. SİA-ya açıqlamasında bu haqda partiyanın sədri Məmməd Əlizadə məlumat verib.
13 nəfərin namizədliyinin qeydə alındığını deyən DADP sədri ilkin olaraq irəli sürdüyü 76 namizəddən hal-hazırda 62-nin prosesi davam etdirdiyini bildirib. Namizədlərdən 14-nün geri çəkildiyini deyən M.Əlizadə bu yerləri Yeni Azərbaycan Partiyasının xeyrinə güzəştə getdiyini qeyd edib: "Ümummilli lider Heydər Əliyevin ideyalarına sadiq qalan iqtidarın yanındayıq. Ola bilər ki, yerlərin Yeni Azərbaycan Partiyasına güzəştə gedilməsi prosesi seçki kampaniyasının ikinci mərhələsində də davam etsin".
"AXCP-Müsavat" siyasi partiyalar blokunun oktyabr ayının 10-na təyin etdiyi mitinqə də münasibət bildirən DADP sədri bu mitinqin qanunsuz olduğunu söyləyib. Partiya sədrinin sözlərinə görə, mitinqin keçirilməsində əsas məqsəd insanlar arasında çaşqınlıq, qarşıdurma yaratmaqdır: "Əsas məqsəd cəmiyyətdə xaos yaratmaqdır. Pozucu işini davam etdirmək istəyirlər. Hər şeyi də sivil şüurla ölçülməməlidir. "AXCP-Müsavat"ın fəaliyyəti əslində kütlənin şüuruna yönəlib. Hesab edirəm ki, polisin fəaliyyəti gücləndirilməli, qanun pozucuları sərt cəzalandırılmalıdır".
Bütün xəbərlər Facebook səhifəmizdə
USD
EUR
GBP
RUB