AVCİYA Seçki Qərargahı Milli Məclisə seçkilərlə əlaqədar fəaliyyət proqramında nəzərdə tutulan 3 mərhələyə uyğun olaraq regionlarda bir neçə istiqamətdə işlər görür. SİA-nın məlumatına görə, bölgələr üzrə müşahidəçilərin seçilməsi, onların qeydiyyatdan keçirilməsi artıq başa çatmaq üzrədir.
Bununla yanaşı, regionlarda müşahidəçilər üçün seminarlar keçirilir. Sentyabr ayının 28-dən oktyabrın 4-nə qədər 13 rayonda, konkret olaraq Lənkəran, Lerik, Masallı, Yardımlı, Cəlilabad, Gəncə, Göygöl, Şəmkir, Ağstafa, Şirvan, Hacıqabul, Sabirabad, Saatlı rayonlarında seminarlar artıq yekunlaşıb. Seçki Qərargahının əməkdaşlarından ibarət 2 qrup treninqlərə nəzarət edib.
Oktyabrın 8-dən başlayaraq daha 5 regionun 22 rayonunda seminarlar təşkil olunacaq. Oktyabrın 5-dən başlayaraq AVCİYA Seşki Qərargahının ofisində Bakı, Sumqayıt və Abşeronda seçkilərin monitorinqində iştirak edəcək müşahidəçilərə təlimlər keçəcək. Oktyabrın sonuna qədər bütün bölgələrdə treninqlərin başa çatdırılması planlaşdırılır.
Bütün xəbərlər Facebook səhifəmizdə
USD
EUR
GBP
RUB