Bu gün Tbilisidə azərbaycanlı və erməni qadınlar Beynəlxalq sülh günü münasibətilə birgə mətbuat konfransı keçirəcək. SİA-nın Ermənistan mətbuatına istinadən verdiyi məlumata görə, tədbir BMT-nin qadınlar fondunun təşkilatçılığı ilə keçiriləcək. Gürcüstanda "Betsi" otelində keçirilən mətbuat konfransında azərbaycanlı və erməni qadınlar arasında qeyri-rəsmi diplomatiyadan istifadə olunmaqla keçirilmiş 2-ci sülh görüşünün yekunlarından danışılacaq.
Xatırladaq ki, ilk belə görüş mayın 4-5-də Brüsseldə keçirilmişdi. Görüşdə azərbaycanlı və erməni xanımların Dağlıq Qarabağ münaqişəsinin sülh yolu ilə həllindəki rolu, Azərbaycan və Ermənistanda BMT-nin "Qadınlar, sülh və təhlükəsizlik" haqqında qətnaməsinin həyata keçirilməsi perspektivləri müzakirə olunacaq.
Bütün xəbərlər Facebook səhifəmizdə
USD
EUR
GBP
RUB