Qərb bölgəsində yaşayan əlil uşaqlara maddi yardım göstəriləcək

"Bilik günü" münasibəti ilə ölkənin qərb bölgəsində birinci sinifə qədəm qoyacaq bir qrup əlil uşağa maddi yardım ediləcək. Bu barədə SİA-nın bölgə müxbirinə Əmək və Əhalinin Sosial Müdafiəsi Nazirliyinin Əlillərin Sosial Müdafiəsi Baş İdarəsinin 8 saylı Regional Şöbəsinin rəisi Valeh Kərimov məlumat verib.

Onun sözlərinə görə maddi yardım, evində 2 və ya artıq uşağı olan ailələrə veriləcək. Yəni təxminən 200-dən artıq ailə bu yardımlardan istifadə edə biləcək.

Bildirək ki, anoloji tədbir hər il keçirilir. Əlillərin Sosial Müdafiəsi Baş İdarəsinin 8 saylı zona şöbəsi Gəncə şəhəri başda olmaqla Daşkəsən, Göygöl və Samux rayonlarında yaşayan əlil vətəndaşlara xidmət göstərir.

Bütün xəbərlər Facebook səhifəmizdə

loading...