Bərdədə keçirilən əmək yarmarkasında 87 nəfər işlə təmin olunub

Bərdə rayonunda əhalinin məşğulluğunun təmin edilməsi məqsədilə növbəti əmək yarmarkası keçirilib. SİA-nın məlumatına görə, yarmarkaya rayonda fəaliyyət göstərən 37 idarə, müəssisə və təşkilatdan 207 boş iş yeri çıxarılıb. Paylayıcı Elektrik Şəbəkəsi, mərkəzi rayon xəstəxanası, "Qarabağ-Pambıq" ASC yarmarkaya daha çox boş iş yeri çıxarıb. İş yerləri üçün təklif olunan əmək haqqının məbləği 85-620 manat təşkil edib.

Yarmarkada 380-dən çox iş axtaran vətəndaşın 87 nəfəri öz istəyinə və peşəsinə uyğun işə göndəriş alıb. Bundan əlavə, 10 nəfər ictimai işlərə cəlb edilib.

Bütün xəbərlər Facebook səhifəmizdə

loading...