Ukrayna Azərbaycanla əlaqələrə xüsusi önəm verir. SİA-nın məlumatına görə, bunu Ukraynanın Azərbaycandakı səfiri Aleksandr Mişenko iki ölkənin diplomatik əlaqələrinin qurulmasının 25-ci ildönümü münasibətilə keçirilən tədbirdə deyib. O bildirib ki, iki dövlət arasında sovet ittifaqı dövründə xüsusi münasibətlər olub. Müstəqillik illərində isə bu münasibətlər daha da inkişaf edib və strateji xarakter daşıyıb. Diplomat bildirib ki, mütamadi olaraq həyata keçirilən yüksək səviyyəli səfərlər Azərbaycan-Ukrayna münasibətlərini daha da inkişaf etdirib. Onun sözlərinə görə, hazırda Ukraynada 6 min azərbaycanlı tələbə təhsil alır: "Bu çox sevindirici haldır, baxmayaraq ki, Ukrayna əleyhinə güclü təbliğat gedir". Mişenko ölkəsinə səfər edən azərbaycanlı turistlərin sayının da artdığını deyib.
Bütün xəbərlər Facebook səhifəmizdə
USD
EUR
GBP
RUB