"Azərbaycan xalqının zəngin mədəniyyətinə heyranam". SİA-nın məlumatına görə, bunu bu gün Heydər Əliyev Mərkəzində ictimaiyyətlə görüşdə çıxış edən Roma Papası Fransisk deyib. Onun sözlərinə görə, dinlər hər hansı etnik və ideoloji mənsubiyyət zorakılığının əleyhinədir.
Roma Papası bildirib ki, dünyada hazırda çoxsaylı münaqişə yaşanır: "Bu cür təhlükəli meyllərə qarşı qətiyyətlə mübarizə aparmaq üçün sülh mədəniyyətini inkişaf etdirməliyik. Bu dialoqun aparılması üçün bütün işlərə səbirlə yanaşmalıyıq. Bu gün ahəngdarlıqdan söhbət gedirsə, dövlətlərarası əlaqələrdə də müdrik addımlar atmalıyıq. Çalışmalıyıq ki, insanların azadlığı bərqərar edilsin. Bu halda sülh təmin olunur. Azərbaycana gəlincə, səfərin ilk dəqiqələrindən anladım ki, nə qədər insan qanlı münaqişədən əziyyət çəkir. Arzu edirəm ki, beynəlxalq ictimaiyyət bunu daimi diqqətdə saxlasın və yardım göstərsin. İstərdim ki, bölgədə sülh bərqərar olsun. Arzu edirəm ki, həll variantı tapılsın, Tanrının yardımı ilə dialoq və danışıqlar vasitəsi ilə Qafqaz regionunda münaqişələr həllini tapsın. Şərqlə Qərbin qovşağında sülh bərqərar olsun. İstərdik ki, bu qapı hər zaman sülhün üzünə açıq olsun".
Bütün xəbərlər Facebook səhifəmizdə
USD
EUR
GBP
RUB