Referendumla əlaqədar seçki bülletenlərinin seçki dairələrinə və seçki məntəqələrinə paylanılmasına sentyabrın 11-dən başlanılması planlaşdırılır. SİA-nın xəbərinə görə, bu barədə Mərkəzi Seçki Komissiyasının (MSK) bu gün keçirilən iclasında MSK sədri Məzahir Pənahov məlumat verib.
M.Pənahov deyib ki, 2015-ci il noyabrın 1-də keçirilən seçkilərdə bülletenlər seçkilərə 10 gün qalmış paylanıb: "Hesab edirəm ki, bu dəfə səsverməyə 15 gün qalmış bülletenlərin paylanılması kifayət edər".
MSK sədri sentyabrın 1-dən etibarən dairə seçki komissiyaları üçün treninqlerin başlayacağını da açıqlayıb. Tədbirlərdə DSX sədrləri və müvafiq şəxslər iştirak edəcəklər.
Bütün xəbərlər Facebook səhifəmizdə
USD
EUR
GBP
RUB