Qəbələ rayonunda Yeni Azərbaycan Partiyası üzvlüyünə yeni qəbul edilən gənc müəllim və tələbələrə vəsiqələr təqdim olunub. Bu münasibətlə Qəbələ Turizm və Otelçilik üzrə Peşə Tədrisi Mərkəzində təşkil olunan tədbirdə çıxış edənlər ulu öndər Heydər Əliyevin YAP-ın yaranmasındakı böyük rolundan, eləcə də partiyanın keçdiyi inkişaf yolundan, qazandığı uğurlardan danışıblar. Bildirilib ki, YAP Qəbələ rayon təşkilatı hazırda öz ətrafında 6 min 120 nəfəri birləşdirir. Onlardan 2471-i ali təhsillidir. Üzvlərdən 2525-i qadın, 2338-i gənclərdir. Son bir ildə rayonda Yeni Azərbaycan Partiyasına 304 yeni üzv qəbul olunub.
Sonra Qəbələ Turizm və Otelçilik üzrə Peşə Tədrisi Mərkəzinin 10 nəfər gənc müəllim və tələbəsinə YAP-ın üzvlük vəsiqələri təqdim edilib. Toplantıda çıxış edən gənc müəllimlər YAP sıralarına qoşulmalarının səbəbi və məqsədi barədə danışıblar. Onlar üzərlərinə düşən məsuliyyəti yaxşı anladıqlarını, ulu öndər Heydər Əliyevin ideallarına sadiq olduqlarını və Azərbaycanın daha da inkişaf etdirilməsi naminə Prezident İlham Əliyevin ətrafında sıx birləşdiklərini bildiriblər.
Bütün xəbərlər Facebook səhifəmizdə
USD
EUR
GBP
RUB