Son günlər PKK terror təşkilatının Türkiyədə aktivləşməsi, bir-birinin ardınca törədilən terror aktları ölkədəki ictimai-siyasi durumun gərginləşməsinə səbəb olub. Vəziyyətin bu dərəcədə kəskinləşməsi isə maraqlı suallar ortaya çıxarır. Yaxın keçmişdə "Kürd açılımı" layihəsi ilə 30 ildən çox davam edən PKK problemini çözməyə hesablanan danışıqların getdiyi bir vaxtda, PKK-nın siyasi qanadı olan Xalqların Demokratik Partiyasının (HDP) parlamentdə təmsil olunduğu bir zamanda yenidən silahlara, terrora əl atılması başadüşülən deyil.
Politoloq Vüqar Zifəroğlu SİA-ya açıqlamasında bildirib ki, əslində mübarizə əvvəl də var idi. Sadəcə müvəqqəti şəkildə "Kürd açılımı" layihəsi ilə bağlı Türkiyə iqtidarı problemi dondurmuşdu: "Problemin dondurulması həm Türkiyə iqtidarına, həm də qarşı tərəfə müəyyən dərəcədə sərf edirdi. Lakin, baş vermiş son proseslər artıq Türkiyəni müəyyən mənada konkret addımlar atmağa məcbur etdi. Əsasən də son zamanlarda baş verən terror aktları. Əslində Kobanidə İŞİD-lə kürd qruplaşmaları arasında baş verən münaqişələr Türkiyənin müəyyən mənada gələcəkdə atacağı addımlar haqda təsəvvür yaradırdı. Bu mənada Türkiyənin mübarizəyə qalxması normal haldır. Digər tərəfdən Qərb Türkiyəni Urfadakı terror hadisələri ilə bağlı İŞİD-ə qarşı mübarizəyə səsləyirdi. Belə bir vəziyyətdə Türkiyə eyni anda həm İŞİD, həm də PKK terrorçularını qarşısına alaraq iki tərəflə eyni anda mübarizəyə başladı".
Politoloqun sözlərinə görə, Türkiyənin bölgədə aktivləşməsini iki əsas səbəbi var: "İstər xarici, istərsə də daxili faktorlara görə məsələyə baxış keçirsək Türkiyə üçün əlverişli nöqtə tapmaq çətin olmayacaq. Birincisi, məsələyə daxili auditoriyadan yanaşsaq deyə bilərik ki, PKK-ya qarşı aparılan bu mübarizə AKP-yə qarşıdan gələn parlament seçkilərində böyük uğur gətirəcək. Yəni səs çoxluğu AKP-nin xeyrinə dəyişəcək. İkincisi, xarici faktorlara baxsaq, Vyana razılaşmasını misal gətirə bilərik. Bu razılaşmadan sonra İranın bölgədə ciddi strateji mövqeyə sahib olması və İŞİD-ə qarşı mübarizədə lider bölgə funksiyasını üstələnəcəyi fikirləri səslənirdi. Türkiyə isə sübut etdi ki, regionda ciddi bir qüvvə olaraq qalır və mübarizədə kifayət qədər ciddi bir gücdür. Məhz bu baxımdan bütün bu proseslər gözlənilən idi".
Nigar Məmmədova
Bütün xəbərlər Facebook səhifəmizdə
USD
EUR
GBP
RUB