Azərbaycan Silahlı Qüvvələrinin (SQ) Ordu Birliyinin komandiri, general-leytenant Nizam Osmanova Müdafiə Nazirliyində vəzifə verilib. SİA-nın məlumatına görə, Silahlı Qüvvələrdə planlı surətdə həyata keçirilən tədbirlər çərçivəsində Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin 2014-cü il dekabrın sonlarında imzaladığı müvafiq sərəncamlarına əsasən, SQ-nin Ordu Birliyinin komandiri, general-leytenant N.Osmanov vəzifəsindən azad edilərək Müdafiə Nazirliyində Baş İdarə rəisi vəzifəsinə təyin olunub. Onun yerinə isə general-mayor Hikmət Həsənov təyinat alıb.
Azərbaycan Müdafiə Nazirliyinin mətbuat xidməti faktı təsdiqləyib.
Qeyd edək ki, general-mayor H.Həsənov bundan əvvəl Naxçıvandakı Əlahiddə Ümumqoşun Ordusunda qərargah rəisi vəzifəsini icra edib, ondan daha əvvəl isə Bakıda "N" saylı hərbi hissənin komandiri olub. (trend)
Bütün xəbərlər Facebook səhifəmizdə
USD
EUR
GBP
RUB