Bu gün Mərkəzi Seçki Komissiyasının (MSK) iclasında 23 dekabrda keçirilmiş bələdiyyə seçkiləri ilə bağlı daxil olmuş müraciətlərə baxılıb. SİA-nın xəbərinə görə, iclasda 75 saylı Lənkəran-Masallı Seçki Dairəsində Türkoba bələdiyyəsi üzrə 29 saylı seçki məntəqəsində, 75 saylı Lənkəran-Masallı Seçki Dairəsində Gəgiran bələdiyyəsi üzrə 15 və 19 saylı seçki məntəqələrində, 76 saylı Lənkəran-Astara Seçki Dairəsində Səpnəkəran bələdiyyəsi üzrə 11 və 12 saylı seçki məntəqələrində, 95 saylı Tərtər Seçki Dairəsində Mamırlı bələdiyyəsində 22 saylı seçki məntəqəsində, 66 saylı Biləsuvar Seçki Dairəsində Ağalı kənd bələdiyyəsi üzrə 29 və 30 saylı seçki məntəqələrində, 71 saylı Masallı Kənd Seçki Dairəsində Qızılağac kənd bələdiyyəsi üzrə məntəqələrdə, 75 saylı Lənkəpan-Masalllı Seçki Dairəsində Türkoba bələdiyyəsi üzrə məntəqələrdə, 57 saylı Kürdəmir Seçki Dairəsində Şirvan bələdiyyəsi üzrə 21 saylı seçki məntəqəsində, 119 Ağdam Kənd Seçki Dairəsində Farzalı bələdiyyəsi üzrə məntəqələrdən daxil olan müraciətlərə baxılıb. Namizədlərin qanun pozuntularının aradan qaldırılması, nəticələrin ləğvi, səslərin yenidən sayılması və protokolların namizədlərə verilməsi barədə müraciətlərin müvafiq dairə seçki komissiyalarına göndərilməsi barədə qərarlar qəbul edilib.
Həmçinin iclasda 82 saylı Ağcabədi Seçki Dairəsində Şənlik kənd bələdiyyəsi üzrə bəzi məntəqələrdə seçki protokollarının saxtalaşdırılması barədə iddiaya baxılıb və müraciətin müvafiq DSK-ya göndərilməsi barədə qərar qəbul edilib.
MSK 72 saylı Yardımlı-Masallı Seçki Dairəsində Şıxlar bələdiyyəsi üzrə 81 və 82 saylı seçki məntəqələrində, 92 saylı Zərdab–Ucar Seçki Dairəsində Körpü kənd bələdiyyəsi üzrə seçki məntəqələrində, 107 saylı Qazax Seçki Dairəsində Birinci Şıxlı kənd bələdiyyəsi üzrə məntəqələrdə səslərin təkrar hesablanması barədə qərar verib. Namizədlərin şikayətlərindəki digər məqamların isə müvafiq DSK-larda araşdırılması zəruri sayılıb.
Elvin Abdulqədirov
Bütün xəbərlər Facebook səhifəmizdə
USD
EUR
GBP
RUB