"Bakıda olmaqdan çox məmnunam. Bakı çox gözəl şəhərdir və daim yenilənir, yeni binalar tikilir. Lakin burada elə bir qədim yer var ki, ora çox gözəl qorunur. Ümid edirəm ki, o yer qorunmaqda davam edəcək. Çünki bu yer şəhərin çox gözəl bir hissəsidir". SİA-nın xəbərinə görə, bu fikirləri Amerikanın Hartford Universitetinin rəhbəri Hamfrey Tonkin deyib.
O, həmçinin dünyanın 60-dan çox ölkəsindən dövlət xadimlərinin toplaşdığı tədbirdə iştirakdan məmnun olduğunu qeyd edib. Universitet rəhbərinin fikrincə, bu tədbir fundamental məsələlərin müzakirəsi üçün çox böyük imkandır.
Forumda iştirak edən Yaponiya-Azərbaycan Dostluq Assosiasiyasının rəhbəri Ken Matsuzava isə deyib ki, Azərbaycan modern ölkədir. O, azərbaycanlıları intellektual xalq adlandırıb: "Mən Yaponiyaya qayıdanda nələrdən danışdığımızı və nə qərara gəldiyimizi danışacağam. Bu qərarları neçə yerinə yetirə bilərik, artıq bu barədə müzakirələr aparacağıq".
Bütün xəbərlər Facebook səhifəmizdə
USD
EUR
GBP
RUB