Milli Məclisin növbədənkənar son iclasının tarixi və gündəliyi məlum olub. Bu barədə SİA-ya açıqlamasında parlamentin mətbuat xidmətinin rəhbəri Akif Təvəkküloğlu deyib.
Onun sözlərinə görə, iclasın iyunun 27-də keçirilməsi nəzərdə tutulub və gündəliyə 6 məsələ daxil edilib. İclasın gündəliyində müzakirə olunacaq məsələlər aşağıdakılardır:
- "Azərbaycan Respublikasının İnsan hüquqları üzrə müvəkkili (ombudsman) haqqında" Azərbaycan Respublikasının Konstitusiya Qanununda dəyişikliklər edilməsi barədə Konstitusiya Qanunu (ikinci səsvermə);
- Azərbaycan Respublikasının Əlcəzair Demokratik Respublikasında Əlcəzair şəhərində səfirliyinin təsis edilməsi ilə bağlı sənəd;
- Azərbaycan Respublikası hökuməti ilə Fransa Respublikası hökuməti arasında "Bakı- fransız liseyinin yaradılması və fəaliyyəti haqqında" sazişin təsdiq edilməsi;
- Azərbaycan Respbulikasının Şəhərsalma və tikinti Məcəlləsində dəyişiklik;
- "Xaçmaz rayonunun Niyəzoba kəndinin Niyəzabab kəndi adlandırılması haqqında" qanun layihəsi;
- "Balıqçılıq haqqında" qanuna dəyişiklik edilməsi;
Qeyd edək ki, bununla da Milli Məclis yaz sessiyası üçün işini yekunlaşdırmış olacaq. Növbəti payız sessiyası isə oktyabrda start götürəcək.
Bütün xəbərlər Facebook səhifəmizdə
USD
EUR
GBP
RUB