Ziyalılar Forumunun üzvü Rafiq Əliyev bu forumun fəaliyyətsizliyinə və Rüstəm İbrahimbəyovun Ziyalılar Forumunu fəaliyytəsizlikdə qınamasına münasibət bildirib.
O bildirib ki, Ziyalılar Forumunun fəaliyyətinin səngiməsi əsasən siyasi proseslərlə bağlı idi: "Mən və dostlarım həmişə bir fikirdə olmuşuq: ziyalı gərək, siyasətə qarışmasın. Mən bunu birinci gündən demişəm və bu gün də deyirəm. O ki, qaldı Ziyalılar Forumunun tədbirlərinin keçirilməməsi məsələsinə, biz gözlədik ki, məlum proseslər sakitləşsin".
R.Əliyev müxalifətin Ziyalılar Forumunu onlarla birlikdə fəaliyyət göstərməyə çağırmasına da münasibət bildirib: "Biz müxalifik, amma müxalifət deyilik. Bunlar başqa-başqa şeylərdir. Müxalifətin strukturu və bununla yanaşı, hakimiyyət iştahası var. Ziyalılar Forumunda isə belə struktur yoxdur. Biz hərdən bir yerə yığışıb müzakirə aparırıq".
Bütün xəbərlər Facebook səhifəmizdə
USD
EUR
GBP
RUB