Bu ilin fevral 16-da Azərbaycan Respublikasının Birləşmiş Ərəb Əmirliklərinin Dubay şəhərindəki Baş konsulu Pərviz İsmayılzadə Dubay polisinin yeni Baş komandanı general Xəmis Əl-Muzeyna ilə görüşüb.
Azərbaycan Xarici İşlər Nazirliyindən SİA-ya verilən məlumata görə, görüşdə Baş konsul general Xəmis Əl-Muzeynanı təyinatı ilə bağlı təbrik edib və Azərbaycan Respublikasının daxili işlər nazirinin müavini, general-leytenant Vilayət Eyvazov tərəfindən ona ünvanlanmış məktubu təqdim edib. Xəmis Əl-Muzeyna ölkəmizə rəsmi səfərə dəvət olunub.
Xəmis Əl-Muzeyna dəvəti böyük məmnuniyyətlə qəbul edib və minnətdarlığını ifadə edib.
Görüş zamanı dost və qardaş ölkələrimiz arasında münasibətlərin yüksək səviyyədə olmasından məmnunluq ifadə olunub, hüquq-mühafizə orqanları arasında əməkdaşlıq əlaqələrinin daha da möhkəmləndirilməsinin vacibliyi vurğulanıb.
Həmçinin görüşdə Dubayda yaşayan Azərbaycan vətəndaşlarının hüquqi müstəvidə üzləşdikləri problemlərin həlli ilə bağlı fikir mübadiləsi aparılıb.
Bütün xəbərlər Facebook səhifəmizdə
USD
EUR
GBP
RUB