Viktor Yanukoviç müxalifəti dialoqa çağırıb
Ukrayna prezidenti Viktor Yanukoviç müxalifəti dialoqa çağırıb. SİA-nın Ukrayna mətbuatına istinadən verdiyi xəbərə görə, V.Yanukoviç ukraynalıları radikal müxalifətçilərin təxribatlarına uymamağa çağırıb.
Ukrayna prezidenti bəyan edib ki, Kiyevdəki münaqişəni sülh yolu nizamlamaq üçün hələ imkanlar var: " Mən bir daha müxalifəti danışıqlar masasına əyləşməyə və qarşıdurmaları dayandırmağa çağırıram. Qan tökülməsinin əleyhinəyəm".
V.Yanukoviç bəyanatında ukraynalıları evlərinə qayıtmağa səsləyib. O vurğulayıb ki, Ukraynada sülh və sabitliyi bərpa edilməlidir. Prezident, siyasi ekstremistlər tərəfindən Kiyevdə qızışdırılan iğtişaşlar nəticəsində baş verən ölüm hallarından təəssüfləndiyini də qeyd edib.
Bütün xəbərlər Facebook səhifəmizdə
USD
EUR
GBP
RUB