"Azərbaycan və Türkiyənin bayraqları müqəddəsdir. Odur ki, bu bayraqları heç vaxt heç kəs tapdalaya bilməz. Ermənilər bu cür məntiqə sığmayan hərəkətləri ilə bir daha onu göstərirlər ki, Ermənistan tərəfi sülhə hazır deyil və öz üzərinə götürdüyü öhdəlikləri icra edə bilmir". SİA-nın məlumatına görə, bu sözləri Milli Məclisin beynəlxalq əlaqələr komitəsinin sədri Səməd Seyidov erməni əsgərlərinin dövlət bayrağına hörmətsizliyini əks etdirən kadrları şərh edərkən bildirib.
"Həmin kadrları izləmişəm. Baş verənlərə yalnız bir söz demək olar. Bütün bunlar gücsüzlüyün əlamətidir. Yəqin ki, erməni əsgərinin gücü yalnız buna çatır. Ona görə də televiziyada göstərməkdən başqa heç bir imkanı və əlacı qalmır" - deyə, millət vəkili məsələ ilə bağlı fikirlərinə əlavə edib.
Bütün xəbərlər Facebook səhifəmizdə
USD
EUR
GBP
RUB