"Güman etmirəm ki, ABŞ səfiri müxalifətin nümayəndələri ilə hansısa bir siyasi problem ətrafında müəyyən bir proqramla bağlı müzakirə aparmış olsun". SİA-nın məlumatına görə, bunu Yeni Azərbaycan Partiyasının Sədr müavini-icra katibi Əli Əhmədov jurnalistlərə ABŞ səfirinin ötən gün müxalifət liderləri ilə keçirdiyi qapalı görüşünə münasibət bildirərkən deyib.
Əli Əhmədov qeyd edib ki, ABŞ səfirliyinin verdiyi məlumatda görüşdə ölkədəki ictimai-siyasi vəziyyətlə bağlı müzakirələr aparıldığı məlum olub: "ABŞ-ın Azərbaycandakı səfiri Riçard Morninqstarın istər müxalifət nümayəndələri, istərsə də hakim Yeni Azərbaycan Partiyasının (YAP) təmsilçiləri ilə tez- tez keçirdiyi görüşləri bütövlükdə maraqlı hesab edirik".
YAP rəsmisi hesab edir ki, bu, normal bir şeydir: "Əgər bu görüşdə Azərbaycanın daxili işlərinə qarışacaq söhbət olubsa, biz buna qarşı çıxırıq. Amma mən belə bir cəhdin olmasına inanmıram".
Bütün xəbərlər Facebook səhifəmizdə
USD
EUR
GBP
RUB