Prezident Administrasiyasiyasının rəhbəri Ramiz Mehdiyev AzərTAc-a müsahibəsində bildirib ki, hazırda Azərbaycanda 100-dən artıq beynəlxalq qeyri-hökumət təşkilatı Ədliyyə Nazirliyində qeydiyyatdan keçib. Ancaq qeydiyyatdan keçməyən, lakin faktiki işləyən təşkilatlar da var ki, onların fəaliyyəti bir sıra suallar doğurur. Qeydiyyatdan keçən beynəlxalq QHT-lərin maliyyə hesabatlılığı çox acınacaqlı vəziyyətdə olduğundan, xarici donorlardan daxil olan qrantların və ianələrin böyük hissəsinin gerçəkdə hara xərcləndiyi bilinmir. Bu məsələdə şəffaflıq yoxdur.
Bununla bağlı Prezident Administrasiyasının İctimai-siyasi məsələlər şöbəsinin müdiri Əli Həsənov jurnalistlərin suallarını cavablandırıb. Əli Həsənov bildirib ki, Qeyri-hökumət təşkilatlarının fəaliyyətinin şəffaflaşdırılması, "Qrant haqqında" qanunun şəffaf şəkildə həyata keçirilməsi, o cümlədən alınmış qrantların xərclənməsi ilə bağlı illik hesabatların verilməsi Azərbaycan qanunvericiliyinin tələbidir: "Bu tələbi həyata həyata keçirən istənilən QHT Azərbaycanda qanunlar çərçivəsində fəaliyyət göstərə bilər. Qanunvericiliyi pozan QHT-lər, hesabat verməyən, aldığı qrantların xərclənməsini cəmiyyətdən gizlədən, o cümlədən həmin qrantları qeyri-qanuni formada reallaşdıran təşkilatlarla bağlı müvafiq qaydada ölçülər götürüləcək. Prezident Administrasiyasiyasının rəhbəri Ramiz Mehdiyev də müsahibəsində bu məsələlərə toxunub və bununla bağlı müvafiq orqanlar araşdırma aparırlar".
Bütün xəbərlər Facebook səhifəmizdə
USD
EUR
GBP
RUB