"Hazırda Azərbaycanın dövlət sərhədlərində vəziyyət tam sabitdir və nəzarət altındadır. Bizim texniki mühafizə imkanlarımızın yüksəlməsi artıq sərhəd pozma hallarının azalması ilə müşayiət olunur". SİA-nın məlumatına görə, bunu jurnalistlərə açıqlamasında DSX rəisi, general-leytenant Elçin Quliyev bildirib.
E.Quliyevin sözlərinə görə, son illər Azərbaycanda sərhədpozma cəhdlərinin sayında azalma müşahidə olunur: "Dövlət Sərhəd Qoşunlarında tibb xidmətinin yaxşılaşdırılması istiqamətində genişmiqyaslı işlər həyata keçirilir. Buna misal olaraq DSX-nın yeni inşa olunan hərbi hospitalını gösətər bilərik. Hospitalın 2015-ci ilədək istifadəyə verilməsi planlaşdırılır".
General-leytinant həmçinin ABŞ Dövlət Departamentinin son hesabatında Azərbaycan sərhədlərindən hər il böyük miqdarda narkotik vasitələrinin keçirilməsi ilə bağlı yer alan məlumatlara da aydınlıq gətirib. Bildirilib ki, müəyyən KİV-lərdə informasiyanın oxunulması və ictimaiyyətə çatdırılmasında yanlışlıqlara yol verilib. Bizim sərhədlərimizin böyük bir hissəsi hazırda işğal altındadır. Bura nəzarətsiz qalmış Azərbaycan-İran dövlət sərhədinin 132 kilometrlik bir hissəsidir. Hesab edirəm ki, həmin məlumatlar dövlət sərhədlərimizin məhz həmin hissəsinə şamil edilib".
Elvin Abdulqədirov
Bütün xəbərlər Facebook səhifəmizdə
USD
EUR
GBP
RUB