Milli Məclisin bugünkü iclasında çıxış edən Fazil Mustafa Ə.Topçubaşovun 150 illiyi ilə bağlı prezident sərəncamını yüksək dəyərləndirib və bildirib ki, Azərbaycanda dövlət strukturunda çalışan xeyli sayda adamların xatirəsinin əbədiləşdirilməsi vacibdir. SİA-nın məlumatına görə, millət vəkili çıxışı zamanı bildirib ki, Mustafa Sübhi adında Türkiyədə öldürülmüş bir kommunistin adına Bakıda küçə var, amma Azərbaycan üçün çalışan, müstəqillik üçün fədakarlıq etmiş şəxslərin adı əbədiləşdirilməyib. Onun sözlərinə görə, bununla bağlı məsələyə baxılmalıdır.
Fransada döyülən azərbaycanlılarla bağlı danışan Fazil Mustafa qeyd edib ki, onlara dövlət dəstəyinin göstərilməsi vacibdir. Deputat bildirib ki, gələcəkdə hər dəfə belə bir hadisə baş verərsə, dövlət həmin şəxslərin arxasında durmalıdır ki, onlar da bunu daim hiss etsinlər.
Bütün xəbərlər Facebook səhifəmizdə
USD
EUR
GBP
RUB