"Yeni Azərbaycan Partiyasının növbəti qurultayı avqust ayında keçiriləcək". SİA-nın məlumatına görə, hakim partiyanın icra katibinin müavini, millət vəkili Siyavuş Novruzov belə deyib.
Onun sözlərinə görə, partiya qurultayı prezident seçkiləri ilə bağlıdır və Mərkəzi Seçki Komissiyası (MSK) tərəfindən seçki kampaniyası rəsmən elan edildikdən sonra YAP hazırlıq prosesinə başlayacaq. "Bizim qurultayımız seçki ilə bağlı olacaq. Ona görə də seçki prosesinə rəsmi start veriləndən sonra Yeni Azərbaycan Partiyası qurultayını keçirəcək", - deyə YAP rəsmisi bildirib.
Hakim partiya budəfəki - V qurultayında 2013-cü il prezident seçkisində namizədini irəli sürməlidir.
Xatırladaq ki, YAP-ın IV qurultayı 2008-ci il avqustun 2-də keçirilib. Həmin qurultayda İlham Əliyev yekdilliklə partiyanın sədri seçilib. Həmçinin, qurultay növbəti prezident seçkilərində (15 oktyabr 2008-ci ildə) YAP sədri İlham Əliyevin namizəd kimi irəli sürülməsini yekdilliklə qərara almışdı.
Nizamnaməyə görə, partiyanın qurultayı 4 ildən gec olmayaraq keçirilməlidir.
Bütün xəbərlər Facebook səhifəmizdə
USD
EUR
GBP
RUB