"AŞPA-nın qış sessiyası zamanı Azərbaycan üzrə məruzəçilərdən Aqramuntun "Ermənistan Azərbaycanın torpaqlarının işğal edib" deməsi həmin məruzəçilərə qarşı təzyiqlərə səbəb olub. Məruzəçilərə qarşı belə təzyiqlərin olması təəssüf doğurur". SİA-nın məlumatına görə, bunu AŞPA-nın qış sessiyasının yekunlarına dair Milli Məclisdə keçirilən mətbuat konfransında Azərbaycan nümayəndə heyətinin sədr müavini Əli Hüseynli deyib.
Bu təzyiqləri əvvəlcədən ehtimal etdiklərini deyən Ə. Hüseynli bildirib ki, müzakirələrdə Azərbaycana qarşı olan bütün qüvvələr ermənilərlə birlik nümayiş etdirirdilər: "Onlar və ermənilər Azərbaycanla bağlı neqativ halları sadalamağa çalışarkən azərbaycanlı hüquq müdafiəçisi Leyla Yunusa istinad edirdilər. Bu da şəxsən məni təəccübləndirmirdi. Onun qərəzli çıxışları daim müşahidə olunur. Tamamilə bizdən yad mühitdə olan Aqramunt öz məruzəsində ilk dəfə olaraq Dağlıq Qarabağla bağlı, ümumiyyətlə Azərbaycanın işğal olunmuş torpaqları ilə bağlı obyektiv mövqe göstərərək şücaət nümayiş etdirdi. Biz AŞPA-da bu halı ilk dəfə gördük və ona qarşı ermənipərəst qüvvələrdən gözlənilən təzyiq təəccüblü deyil".
Bütün xəbərlər Facebook səhifəmizdə
USD
EUR
GBP
RUB