Bu gün Yeni Azərbaycan Partiyası İdarə Heyətinin növbəti iclası keçirilmişdir. SİA-nın məlumatına görə, iclasda Yeni Azərbaycan Partiyasının 2012-ci ildə fəaliyyətinə dair hesabatı, maliyyə hesabatı, o cümlədən Qadınlar Şurası və Gənclər Birliyinin statistik hesabatları müzakirə və təsdiq edilib.
İdarə Heyətinin iclasında qeyd olunmuşdur ki, hesabat ilində Yeni Azərbaycan Partiyası ictimai - siyasi proseslərə təsir imkanları xeyli genişlənmiş,cəmiyyətdəki aparıcı mövqeyi daha da möhkəmlənmiş və beynəlxalq nüfuzu yüksəlmişdir. Hesabat ilində partiyanın beynəlxalq əlaqələrinin inkişafına xüsusi diqqət yetirilmişdir. Xüsusilə, Avroatlantik məkanda Avropa Xalqları Partiyası (EPP) və Asiya qitəsində Asiya Siyasi Partiyalarının Beynəlxalq Konfransı (İCAPP) ilə münasibətlər ardıcıl olaraq yüksələn xətt üzrə inkişaf etmişdir. Bu baxımdan, İCAPP-ın 2012-ci ilin iyun ayında Beynəlxalq Konfransının Daimi Komitəsinin 17-ci və18-ci iclaslarının, eləcə də bu qurumun VII Baş Assambleyası kimi mötəbər tədbirlərin Bakı şəhərində keçirililməsi Yeni Azərbaycan Partiyasının beynəlxalq nüfuzunun göstəricisi kimi dəyərləndirilməlidir.
Partiyanın sıralarının genişlənməsində, üzvlərinin sayının artmasında arxada qoyduğumuz il də istisna olmamışdır. İdarə Heyətinin iclasında bildirilmişdir ki, 2012-ci ildə Yeni Azərbaycan Partiyasının sıralarına 37854 nəfər yeni üzv qəbul olunub. Onlardan 20 min nəfərdən çoxu gənclərdir. Hazırda partiyanın 7573 ilk təşkilatında qeydiyyatda olan partiya üzvlərinin ümumi sayı 591355 nəfərə çatmışdır.
İdarə Heyətinin iclasında həmçinin partiyanın 2012-ci il maliyyə hesabatı təsdiq edilmişdir. Bildirilmişdir ki, ötən 2012-ci ildə partyia üzvlük haqlarından partiya büdcəsinə 5 mln. 389 min 557 manat daxil olmuşdur. Daxil olmuş vəsaitin 2 mln. 969 min 702 manatı əmək haqlarının ödənilməsinə, 1 mln. 98 min 855 manatı müxtəlif xarakterli partiya tədbirlərinin, o cümlədən üç beynəlxalq tədbirin maliyyələşdirilməsinə, 198 min manatı ezamiyyə xərclərinə, 250 min manatı təsərrüfat inventarlarının, texniki avadanlıqların və nəqliyyat vasitələrinin alınmasına, 145 min manatı nəqliyyat vasitələrinə texniki xidmət və yanacaq xərclərinə, 268 min manatı cari təmir işlərinə, 73 min manatı çap işlərinə, 387 min manatı kommunal, icarə haqqı, rabitə xərcləri, bank xidməti, dəftərxana və s. istiqamətlərə sərf edilmişdir.
İdarə Heyətinin iclasında həmçinin YAP-ın V Qurultayına və bu ilin payızında keçiriləcək prezident seçkilərinə hazırlıq işləri müzakirə edilmişdir.
Bütün xəbərlər Facebook səhifəmizdə
USD
EUR
GBP
RUB