"Azərbaycan Ermənistanın Xocalı aeraportuna göndərəcəyi təyyarələri mütləq şəkildə vurmağa məcbur deyil. Azərbaycan həmin təyyarələri endirmək üçün öz təyyarələrini göndərə və endirməklə müsadirə edə bilər. Bunu SİA-ya açıqlamasında politoloq Rasim Musabəyov Xocalı aeraportunun ermənilər tərəfindən yenidən istismara verilməsi cəhdlərinə münasibət bildirərkən deyib. Onun sözlərinə görə, Azərbaycanının buna tam hüququ var: "Azərbaycan o uçuşu həyata keçirməyin çox riskli olması üçün müəyyən texniki maneələr yarada bilər. İstənilən halda bu, gərginliyi artıracaq. Yəni, Ermənistan Rusiyanın verdiyi müdafiə sistemlərindən istifadə edə bilər. Bu isə istər-istəməz toqquşmalara və geniş hərbi əməliyyatların başlamasına şərait yaradacaq".
Bütün xəbərlər Facebook səhifəmizdə
USD
EUR
GBP
RUB