Bakıda bu gün Azərbaycan Prezidenti yanında Strateji Araşdırmalar Mərkəzi, BMT İnkişaf Proqramı, PwC Azərbaycan şirkəti və Azərbaycan Gənclər Fondunun birgə təşkilatçılığı ilə "Azərbaycan 2020: Gələcəyə baxış" mövzusunda beynəlxalq konfrans öz işinə başlayıb.
SİA-nın verdiyi məlumata görə, tədbir Azərbaycan iqtisadiyyatının 2003-2011-ci illərdəki nailiyyətlərinə həsr olunmuş videoçarxın nümayişi ilə başlayıb.
Konfransda Azərbaycanın İqtisadi siyasət məsələləri üzrə Dövlət müşaviri Vahid Axundov "Azərbaycan 2020: Gələcəyə baxış" İnkişaf Konsepsiyasının təqdimatı ilə, "PwC" şirkətinin Baş Qlobal Məsləhətçisi Yan Sturesson "Gələcəyə baxış - əsas tendensiyalar və məsələlər" mövzusu ilə, BMT İnkişaf Proqramının Azərbaycanda Rezident nümayəndəsi Antonius Bruk "Gələcəyə baxış – 2020 və qlobal inkişaf çağırışları" mövzusu ilə çıxış edəcək. Bundan əlavə, rabitə və informasiya texnologiyaları naziri Əli Abbasov "İnnovasiya və modernləşmə strategiyası: informasiya cəmiyyətinə keçid", nəqliyyat nazirinin müavini Musa Pənahov "Azərbaycanın regional nəqliyyat və logistika mərkəzinə çevrilməsi perspektivləri", Dünya Bankının Azərbaycan nümayəndəliyinin rəhbəri Larisa Leşenko "Diversifikasiya: Davamlı İnkişafın Açarı", Asiya İnkişaf Bankının Azərbaycandakı Daimi Nümayəndəliyinin rəhbəri Olli Noroyono "İnfrastrukturun maliyyələşməsi", Dövlət Sosial Müdafiə Fondunun sədri Səlim Müslümov "Azərbaycanda pensiya-sığorta sisteminin inkişaf perspektivləri" mövzulu məruzələr söyləyəcək.
Konfransda Prezident Administrasiyasının rəhbəri Ramiz Mehdiyev və digər hökumət nümayəndələri iştirak edirlər.
Bütün xəbərlər Facebook səhifəmizdə
USD
EUR
GBP
RUB