"Dağlıq Qarabağ münaqişəsinin həllinin əsas şərti Azərbaycanın ərazi bütövlüyünə əməl olunmasıdır"
"Azərbaycan regionda mövqeyini getdikcə daha çox gücləndirir". Bu sözləri Özbəkistanın Azərbaycandakı səfiri Şerzod Fayziyev Trend-də keçirdiyi mətbuat konfransı zamanı jurnalistlərə verdiyi açıqlamasında deyib.
Səfir bildirib ki, son illər iki ölkə arasında münasibətlər daha dinamik xarakter alıb: "Münasibətlərimiz ümumi tarixi köklər, dil, mədəniyyət və ənənələrə əsaslanır".
Şerzod Fayziyev bəyan edib ki, Özbəkistan Dağlıq Qarabağ münaqişəsinin siyasi və sülh yolu ilə həllini istəyir: "Biz hesab edirik ki, münaqişənin həllinin əsas şərti Azərbaycanın ərazi bütövlüyünə əməl olunmaısıdır".
Özbəkistan səfiri Azərbaycanla xüsusən tranzit ölkə kimi ticarət əlaqələrinin inkişafında da maraqlı olduqlarını söyləyib. O qeyd edib ki, bu əməkdaşlıq nəticəsində Azərbaycan Özbəkistanın Qara və Aralıq dənizi limanlarına, Özbəkistan isə Azərbaycanın Çin və Cənub-Şərqi Asiyaya çıxışına şərait yaradacaq.
Vüqar Əliyev
Bütün xəbərlər Facebook səhifəmizdə
USD
EUR
GBP
RUB