Bu gün Milli
Məclisin növbəti plenar iclası keçirilir. SİA-nın xəbərinə görə, iclasın gündəliyinə 8 məsələ daxildir. Gündəlikdə olan əsas məsələlərdən biri isə Hesablama
Palatasının hesabatı ilə bağlıdır.
Hesablama
Palatasının sədri Heydər Əsədov Milli Məclisin üzvləri
qarşısında çıxış edərək 2011-ci ilin hesabatını verəcək. H.Əsədov Hesablama Palatasının 2011-ci ilin iş planına
uyğun olaraq ayrı-ayrı dövlət qurumlarında apardığı audit yoxlamalar və onların
nəticələri barədə danışacaq. Deputatlar Hesablama
Palatasının 2011-ci ilə dair hesabatını dinlədikdən sonra onu müzakirə edib
qiymət verəcəklər.
İclasda bundan əlavə, Milli Məclisin sabahki iclasında İsa Nəcəfovun Azərbaycan Respublikası Konstitusiya Məhkəməsinin hakimi vəzifəsinə təyin edilməsi, Avstraliyanın paytaxtı Kanberra şəhərində Azərbaycan səfirliyinin təsis olunması, Serbiya Respubikasında avtomobil magistralının tikintisi ilə bağlı kredit sazişi, "Yol hərəkəti haqqında" qanunvericiliyə dəyişiklik edilməsi, Mülkü Məcəlləyə dəyişiklər edilməsi, İnzibati Xətalar Məcəlləsinə dəyişilik edilməsi və "Mədəniyyət haqqında" Qanun layihəsi ilə bağlı məsələlərə də baxılacaq.
Bütün xəbərlər Facebook səhifəmizdə
USD
EUR
GBP
RUB