Fövqəladə Hallar Nazirliyi (FHN) Bakı-Şamaxı yolunda baş verən yol qəzası barədə məlumat yayıb. SİA-nın FHN-in saytına istinadən xəbərinə görə, məlumatda bildirilir ki, rayonun Meysəri kəndi ərazisində (rayon mərkəzindən 6 km aralı) "Mercedes" və "Nissan" markalı 2 minik avtomobilinin toqquşması nəticəsində hər iki nəqliyyat vasitəsi deformasiyaya uğrayıb, "Mercedes" markalı avtomobilin sürücüsü - 1975-ci il təvəllüdlü Yalçın Fətullayev, "Nissan" markalı avtomobilin sürücüsü - 1975-ci il təvəllüdlü Həbib Bağır oğlu Həmidov, sərnişinləri - 2006-cı il təvəllüdlü Amil Həbib oğlu Həmidov və 2008-ci il təvəllüdlü Gülşən Həbib qızı Həmidova ölüb, 2 nəfər sərnişin yaralanıb.
Hadisə yerinə cəlb edilən xilasedicilər hər iki nəqliyyat vasitəsində sıxılmış vəziyyətdə qalmış cəsədləri və yaralıları çıxararaq aidiyyəti üzrə təhvil veriblər.
Bütün xəbərlər Facebook səhifəmizdə
USD
EUR
GBP
RUB