Bakı Metropoliteninin "Nizami" metrostansiyasında bədbəxt hadisə baş verib. Saat 10:15 radələrində Məhbubə Paşayeva adlı qadın "Dərnəgül"-"Həzi Aslanov" xətti ilə hərəkət edən qatar "Nizami" metro stansiyasına çatanda ani olaraq özünü qatarın altına ataraq intihara cəhd edib. SİA-nın hadisə yerində olan və hadisəni anbaan lentə alan müxbirinin dediyinə görə, qatar "Nizami" stansiyasına çatanda ani olaraq dayanıb. Birdən qadın qışqırtısı eşidilib. Qatarda olan sərnişinlərdən biri "deyəsən qatarın altında kimsə qaldı", - deyib. Nəyin baş verdiyini aydınlaşdırmaq üçün sərnişinlər qatarın çıxış qapılarına yaxınlaşıblar.
... Qatarın 2-ci vaqonunun qapıları artıq açılmışdı. Qatardakılar vaqonları tərk etməyə başlamışdılar. 2 dəqiqə keçmişdi ki, təcili tibbi yardım xidmətinin əməkdaşları özlərini çatdırdılar. Özünə qəsd edən qadının qatarın hansı hissəsində ilişib qaldığı bilinmirdi. Qadını intihara cəhd etdiyi anda görən şahidlər isə hadisənin təsirindən hələ də özlərinə gələ bilməmişdilər. Təcili tibbi yardım xidmətinin əməkdaşı onlarla da məşğul olurdu. Hadisə şahidlərinin sözlərinə görə, 50-55 yaşlarında olan qadın özünü qəfildən qatarın altına atarkən maşinist qatarı sürətini azaldıb və dayandırmağa macal tapıb.
Stansiya işçiləri və polislər dərhal qapıları açaraq qatarın alt hissəsinə düşə bildilər. Bir azdan "Qadın sağdır" deyən stansiya işçisinin səsi eşidilib.
USD
EUR
GBP
RUB
